Тұтынушыларға арналған ақпарат

ЭЛЕКТР ЭНЕРГИЯСЫН ТҰТЫНУШЫЛАРЫНА АРНАЛҒАН

КОММЕРЦИЯЛЫҚ ЕСЕПКЕ АЛУ АСПАПТАРЫН (КЕА) ТЕКСЕРУ ЖӨНІНДЕГІ

АҚПАРАТТЫҚ ЖАДЫНАМА

Құрметті электр энергиясының тұтынушылары!

    Электр энергиясын пайдалану қағидаларының (Қазақстан Республикасы Энергетика министрінің 2015 жылғы 25 ақпандағы № 143 бұйрығымен бекітілген, бұдан әрі мәтіні бойынша Қағидалардың) талаптарына сәйкес өлшеу құралдарының белгіленген метрологиялық талаптарға сәйкестігін айқындау және растау мақсатында мемлекеттік метрологиялық қызметтің немесе басқа аккредиттелген заңды тұлғалардың электр энергиясын есепке алу аспабын мерзімді тексеруді жүргізу көзделеді. Электр энергиясын коммерциялық есепке алу аспаптарын тексеру Қазақстан Республикасының өлшем бірлігін қамтамасыз етудің мемлекеттік жүйесінің тізілімінде көрсетілген мерзімдерде тексеру аралық интервалға сәйкес жүргізіледі. Сондай-ақ Қағидаларда электр энергиясын коммерциялық есепке алу аспаптарын тексеру, ұстау және техникалық қызмет көрсету теңгерімдік тиесілілігіне сәйкес жүзеге асырылатыны айқындалған.

    Қағидалардың талаптарын тиісінше орындау үшін электр энергиясының тұтынушыларына тексеру аралық кезең аяқталған күннен кешіктірілмейтін мерзімде өздерінің есепке алу аспаптарына уақтылы тексеру жүргізу қажет. КЕА келесі тексеру күні туралы ақпарат есепке алу аспабының төлқұжатында және есепке алу аспабына орнатылған пломбаларда көрсетіледі. Қосымша бұл ақпарат «Шығысэнерготрейд» ЖШС электр энергиясын төлеуге арналған шот-хабарламаларда орналастырылады немесе «Біріккен ЭнергоСервистік Компания - «БЭСК» АҚ (бұрынғы «ШҚ АЭК» АҚ) Акционерлік қоғамының қызметкерлерімен есептеу құралын тексеру мерзімі аяқталғанға дейін 2-3 ай бұрын хабарламамен бағытталады. Сондай ақ тұтынушы электр энергиясын КЕА тексеру мерзімдері туралы ақпаратты «Шығысэнерготрейд» ЖШС жүгінген кезде «Шығысэнерготрейд» ЖШС байланыс орталығының 8 (72 32) 700 555 телефоны бойынша ала алады.

  «БЭСК» АҚ энергия беруші ұйымымен орнатылған ЭКЕАЖ функциясы бар электр энергиясын есепке алу аспаптары кәсіпорынның теңгерімінде болады, тиісінше осы есепке алу аспаптарын тексеруді және оларды алуды (орнатуды) «БЭСК» АҚ қызметкерлері орындайды. Электр қауіпсіздігін қамтамасыз ету мақсатында электр энергиясын ажыратуды және тексеру жүргізу үшін есепке алу аспабын алуды білікті қызметкер және «БЭСК» АҚ өкілдерінен энергия беруші ұйым орнатқан пломбаларды алуға рұқсат алғаннан кейін ғана орындауы тиіс. «БЭСК» АҚ пломбаны алуға рұқсатын жазбаша өтініш негізінде немесе сіздің учаскеңізге қызмет көрсететін аудандық электр желілерінің (АЭЖ) құрылымдық бөлімшесінде телефон арқылы алуға болады. Қосымша ақпаратты «Шығысэнерготрейд» ЖШС байланыс орталығының 8 (72 32) 700 555 телефоны арқылы алуға болады.

    Өзге қызмет түрлерін орындау шеңберінде есепке алу аспабын алу (орнату) жөніндегі жұмыстарды «БЭСК» АҚ қызметкерлері («БЭСК» АҚ энергия беруші ұйымы қызмет көрсетпейтін аудандарда) тұтынушының жазбаша өтініші бойынша ақылы орындай алады.

    Электр энергиясын есепке алу аспабын мерзімді тексеруді мемлекеттік метрологиялық қызмет немесе басқа аккредиттелген заңды тұлғалар жүргізуі тиіс. «БЭСК» АҚ метрологиялық қызметі заңнама талаптарына сәйкес аккредиттелген және өзге қызмет түрлерін орындау шеңберінде ақылы негізде есепке алу аспаптарын тексеру бойынша қызметтер көрсетеді. Тексеру Өскемен қ. Омская к-сі, 22/1 ком. 5 және 6, тел 48-96-83 немесе Семей қ. Герцен к-сі 3а, тел. 67-94-69 мекенжайлары бойынша жүргізіледі. Метрология басқармасы.

    Тексеру мерзімі өткен есепке алу аспаптары есептік ретінде қабылданбайды, тиісінше тұтынушыға электр энергиясын есептеу кейінгі 30 күнде алдыңғы есептік кезеңнің орташа мәндері бойынша орындалатын болады, содан кейін электр энергиясын есептеу техникалық шарттарға сәйкес рұқсат етілген қуат бойынша, ал техникалық шарттар болмаған кезде кіріспе коммутациялық аппараттың номиналды тогы бойынша пайдалану сағатын ескере отырып жүргізілетін болады күніне 24 сағат.

    Қолданыстағы Қағидалар талаптарының тиісінше орындалуын қамтамасыз ету және тұтынылған электр энергиясы үшін есеп айырысу кезінде даулы жағдайларға жол бермеу мақсатында «БЭСК» АҚ тұтынушылардан тексеру мерзімі аяқталғанға дейін өздерінің коммерциялық электр энергиясын есепке алу аспаптарын уақтылы тексеруді қамтамасыз етуді өтіне сұрайды.

     Сұрақтар туындаған кезде сіз жүгіне аласыз

• «Шығысэнерготрейд» ЖШС байланыс орталығының 8 (72 32) 700 555 телефоны бойынша, немесе «Шығысэнерготрейд» ЖШС электрондық мекенжайына хатпен - This email address is being protected from spambots. You need JavaScript enabled to view it.
• «БЭСК» АҚ энергия беруші компаниясына 8 (72 32) 48-96-83 телефоны бойынша, немесе «БЭСК» АҚ электрондық мекенжайына хатпен - This email address is being protected from spambots. You need JavaScript enabled to view it.