Жаңалықтар
ЭЛЕКТР ЭНЕРГИЯСЫН ТҰТЫНУШЫЛАРДЫҢ НАЗАРЫНА
ҰЗАҚ ЖАНАТЫН ПЕШТЕР
Күз-қыс мезгілінің басталуымен жеке меншік үйлердің иелері ұзақ уақыт жанатын пештерді (ақылды пештерді) белсенді қолдана бастайды. Осындай қазандықтарды дайындаушы-зауыттардың нұсқаулықтарына сәйкес электрмен жабдықтау тек негізгі көзден (электрмен жабдықтаушы ұйымның желісінен) ғана емес, сонымен қатар үздіксіз жұмысты қамтамасыз ету үшін баламалы қуат көзінің болуымен (мысалы, дизель-генераторлар немесе аккумуляторлар) ұйымдастырылуы тиіс.
Көптеген тұтынушыларда екінші қуат көзі жоқ. Жылу тасымалдағышы мәжбүрлі айналымымен жылыту жүйесін құрыстыру кезінде айналым сорғысы электр энергиясы ажыратылған жағдайда жылу тасымалдағышы табиғи айналымын қамтамасыз ету үшін параллель желіде орнатылуы тиіс.
Ұзақ уақыт бойы жанатын қазандықтарды пайдаланған кезде электр энергиясы ажыратылған жағдайда елеулі зардаптарға жол бермеу үшін баламалы қуат көзінің жарамдылығын тексеруге кеңес береміз. Егер ол болмаса, оны мүмкіндігінше тезірек сатып алып, орнатуды өтінеміз.
«Біріккен ЭнергоСервистік Компаниясы» Акционерлік қоғамы жоспарлы жұмыстар жүргізілген немесе электр энергиясы апаттық ажыратылған жағдайда, тұтынушыларға электр энергиясын беру уақытша шектелуі мүмкін екенін хабарлайды. Біз Қазақстан Республикасының энергетика саласындағы қолданыстағы заңнамасына сәйкес белгіленген мерзімде апаттық жағдайларды жою үшін барлық күшімізді жұмсаймыз.
Қазақстан Республикасы Энергетика министрінің 2015 жылғы 20 наурыздағы № 230 бұйрығымен бекітілген Электр қондырғыларын орнату қағидаларының 25-тармағына сәйкес, III санаттағы электр қабылдағыштар үшін (оларға тұрмыстық тұтынушылар жатады), электрмен жабдықтау жүйенің зақымдалған элементтерін жөндеу немесе ауыстыру үшін қажетті электрмен жабдықтаудағы үзілістер 1 күнтізбелік күннен аспаған жағдайда бір қоректендіру көзінен орындалады.
Сіздерден электр жабдықтарыңызды үздіксіз және қауіпсіз пайдалану үшін қажетті шараларды қабылдауларыңызды сұраймыз.
Ақпарат «БЭСК» АҚ Алтай аймағы
Өскемен АЭЖ дайындалды