Желіге қосылу және ТШ беру

Техникалық шарттарды алу және тұтынушылардың электр қондырғыларын «БЭСК» АҚ электр желілеріне қосу регламенті

«БЭСК» АҚ тұтынушының өтінімін қарайды және Қазақстан Республикасы Энергетика министрінің 2015 жылғы 25 ақпандағы №143 Бұйрығымен бекітілген Электр энергиясын пайдалану қағидаларының 13т. сәйкес тұтынушыға ТШ береді.

1. Техникалық шарттарды алу.

Техникалық шарттарды алу үшін тұтынушы «БЭСК» АҚ-на (АЭЖ қабылдау бөлмелері, Өскемен қ. Бажов к-сі, 10 кеңсесі) жүгінеді және келесі құжаттар пакетін қоса ұсынады:

• Техникалық шарттарды беруге арналған өтінімін (еркін нысандағы өтініш);
• Құқық белгілейтін құжаттардың көшірмелері, объектіге: әділет органдарында тіркеумен, жерге тұрақты/уақытша меншік құқығына мемлекеттік акт (объектінің меншік иесі туралы мәліметтерді қоса ұсынумен, ХҚКО №2 нысаны) және/немесе сатып алу – сату шарты/сыйға тарту шарты/айырбас шарты/мұрагерлік құқығын иелену туралы куәлік, жалдау шарты, қабылдау-тапсыру актісін және т.б.;
• Заңды тұлғаларға: заңды тұлғаны мемлекеттік тіркеу туралы куәліктің көшірмесі немесе заңды тұлғаны мемлекеттік тіркеу туралы анықтама;
• Сараптама ұйымын тарта отырып орындалған не өз бетінше орындалған мәлімделген қуаттың есеп-негіздемесін;
• Өтінішке сауалнама парағын.
• Жағдаяттық жоспарды.
• Электр қондырғыларының белгіленген қуаты 5 МВт және одан жоғары тұтынушылар көрсетілген құжаттар пакетіне жобалау қызметімен айналысуға лицензиясы бар мамандандырылған жобалау ұйымы әзірлеген тұтынушыны сыртқы электрмен жабдықтау схемасын қоса ұсынады.

Үшінші тұлғалар өтініш білдірген жағдайда өтінімдер беруге және техникалық шарттарды алуға қосымша сенімхат қоса ұсынылады.

2. Жобаны әзірлеу.
   • Техникалық шарттарды алғаннан кейін тұтынушы электрмен жабдықтау жобасын әзірлеуге сәулет, қала құрылысы және құрылыс саласында тиісті жұмыстарды жүргізуге лицензиясы бар мамандандырылған ұйымға жүгінеді.
   • Қажет болған жағдайда жобалау ұйымының өкілі не тапсырыс беруші жобалау шешімдерін келісу және (немесе) қолданыстағы электр желілерінің техникалық сипаттамалары және және жобалауға қажетті басқа да деректер туралы ақпарат алу үшін «БЭСК» АҚ-на жазбаша түрде жүгінеді.
3. ҚЖЖ орындау.
   • Электрмен жабдықтау жобасы әзірленгеннен кейін тұтынушы құрылыс-жинақтау жұмыстарын жүргізу үшін мамандандырылған ұйымға (тиісті жұмыстарды жүргізуге лицензиясы бар) немесе «БЭСК» АҚ-на жүгінеді.
   • «БЭСК» АҚ қолданыстағы электр қондырғыларында жұмыстар жүргізу үшін ҚЖЖ орындайтын ұйым өз қызметкерлеріне арнап «БЭСК» АҚ тиісті бөлімшелерінде жұмыстар жүргізуге рұқсат алады. Жұмыстарды бөгде ұйым орындаған жағдайда рұқсат беру және бақылаушы қызметтері ақылы негізде жүргізіледі.
   • Жинақтау жұмыстары аяқталғаннан кейін ҚЖЖ жүргізген ұйым электр қондырғыларына қабылдау-тапсыру сынақтарын жүргізеді және тұтынушыға акт бойынша еркін нысанда тапсырады.
4. «БЭСК» АҚ электр желілеріне қосылуға арналған тұтынушының қосылатын электр қондырғысын тексеру рәсімі.

• Тұтынушы қызмет көрсету аймағында қосылатын электр қондырғылары бар «БЭСК» АҚ құрылымдық бөлімшесіне келесі құжаттарды ұсынады:

- осы жұмыстарды жүргізуге лицензиясы бар құрылыс-жинақтау ұйымы және тұтынушы қол қойған, электрмен жабдықтау жобасын, жабық жұмыстар актісін, электр жабдықтарына төлқұжатты, сынақ хаттамаларын қоса ұсынумен, тұтынушының электр қондырғыларын қабылдау-тапсыру сынақтарының актісін (еркін түрде);

- электр қондырғыларының сенімді жұмысына жауапты тұлғаны тағайындау туралы бұйрықты (біліктілік куәлігінің көшірмесімен және ҚТЕ білімін тексеру хаттамасымен) немесе осы қызмет түріне лицензиясы бар ұйыммен электр қондырғыларына қызмет көрсету шартын.

• Құжаттардың толық пакетін алған кезде «БЭСК» АҚ құрылымдық бөлімшесі бір жұмыс күні ішінде «БЭСК» АҚ электр желілеріне қосылу мүмкіндігі туралы қорытындысымен электр қондырғыларының сыртқы қосылуын, коммерциялық есепке алу жүйесін тексеруді жүзеге асырады және тұтынушыға береді:

- Теңгерімдік тиістілікті ажырату актісін;

- Электр энергиясын коммерциялық есепке алу схемасын қабылдау актісін.

«БЭСК» АҚ электрмен жабдықтау жобасын келісу, сараптамалық қорытынды және техникалық есеп ТАЛАП ЕТІЛМЕЙДІ.

• Тұтынушылардың электр қондырғыларында жинақтаудағы сәйкессіздіктерді, берілген техникалық шарттардан, жобалау құжаттамасынан және нормативтік-техникалық құжаттардың талаптарынан ауытқуларды анықтаған жағдайда электр қондырғыларын сыртқы қосуға дайындығы туралы қорытынды олар толық жойылғанға дейін берілмейді.
• Тұтынушы құжаттардың толық пакетін ұсынған жағдайда, тұтынушы қызмет көрсету аймағында қосылатын электр қондырғылары бар қаланың немесе ауданның АЭЖ-не (АЭЖ бастығының атына) кернеуі 1000В- қа дейінгі және одан жоғары электр қондырғыларын қосуға рұқсат алуға өтінім береді.

4. «БЭСК» АҚ электр желілеріне қосылу және электрмен жабдықтау Шартын жасасу рәсімі

• «БЭСК» АҚ электр желілеріне қосылу және электрмен жабдықтау шартын жасасу ЭЭПҚ талаптарына сәйкес техникалық шарттар орындалғаннан кейін жүзеге асырылады (көп қабатты үйлерде тұратын Тұтынушыларды қоспағанда).
• Тұтынушымен электрмен жабдықтау Шарты қолданыстағы заңнамада белгіленген тәртіппен «БЭСК» АҚ желілеріне қосылған жабдық болған кезде, сондай-ақ коммерциялық есепке алу аспаптары болған кезде жасалады.
• Тұтынушыны «БЭСК» АҚ электр желілеріне қосу және электрмен жабдықтау Шартын жасасу үшін, егер тұтынушының электрмен жабдықтау объектісі кондоминиум құрамында болмаса, келесі құжаттарды ұсыну және ресімдеу қажет:
  • Тұтынушыны электр желілеріне қосу схемасымен электр желілерінің теңгерімдік тиесілігін ажырату және тараптардың пайдалану жауапкершілігі актісінің көшірмесін («БЭСК» АҚ-мен техникалық шарттармен бірге беріледі);
  • энергия беруші ұйым жасаған электр энергиясын коммерциялық есепке алу жүйесін қабылдау актісінің көшірмесін;
  • мемлекеттік тіркеу туралы анықтаманың көшірмесін (заңды тұлғалар үшін), рұқсаттар мен хабарламалардың мемлекеттік электрондық тізілімінен үзіндісін (жеке кәсіпкерлер үшін) немесе жеке басын куәландыратын құжаттың көшірмесін (жеке тұлғалар үшін);
  • жылжымайтын мүлікке тіркелген құқықтар туралы анықтаманың немесе құқық белгілейтін құжаттың көшірмесін;
  • ұйымның бірінші басшысын қоспағанда (заңды тұлғалар мен дара кәсіпкерлер үшін) жеке басын куәландыратын құжатты қоса ұсынумен, электрмен жабдықтау шартын жасасуға уәкілетті тұлғаға құжаттың (бұйрықтың, сенімхаттың, тұлғаның өкілеттігін растайтын құжаттың) көшірмесін;
  • техникалық шарттардың көшірмесін;
  • банктік деректемелерді (банктің атауы, ағымдағы шоттың №) – тек заңды тұлғалар ұсынылады.
• Егер Тұтынушыны электрмен жабдықтау объектісі кондоминиум құрамында болса, электрмен жабдықтау шартын жасасу үшін Тұтынушыға келесі құжаттарды ұсыну қажет:
  • кондоминиум құрамындағы Тұтынушыларға арналған электр желілерінің теңгерімдік тиесілігін ажырату және тараптардың пайдалану жауапкершілігі актісінің көшірмесін (тек заңды тұлғалар ұсынады);
  • кондоминиум объектісін басқарушы орган немесе энергия беруші ұйым жасаған электр энергиясын коммерциялық есепке алу жүйесін қабылдау Актісінің көшірмесін;
  • мемлекеттік тіркеу туралы анықтаманың көшірмесін (заңды тұлғалар үшін), рұқсаттар мен хабарламалардың мемлекеттік электрондық тізілімінен үзіндісін (жеке кәсіпкерлер үшін) немесе жеке басын куәландыратын құжаттың көшірмесін (жеке тұлғалар үшін);
  • ұйымның бірінші басшысын қоспағанда (заңды тұлғалар мен дара кәсіпкерлер үшін) жеке басын куәландыратын құжатты қоса ұсынумен, электрмен жабдықтау шартын жасасуға уәкілетті тұлғаға құжаттың (бұйрықтың, сенімхаттың, тұлғаның өкілеттігін растайтын құжаттың) көшірмесін;
  • банктік деректемелерді (банктің атауы, ағымдағы шоттың №) – тек заңды тұлғалар ұсынылады;
  • жылжымайтын мүлікке тіркелген құқықтар туралы анықтаманың немесе құқық белгілейтін құжаттың көшірмесін.

Жоғарыда көрсетілген құжаттарды энергиямен жабдықтаушы ұйымға энергия беруші ұйым ұсынады.

Бұл талаптар көп қабатты құрылыстарда тұратын тұрмыстық Тұтынушыларға қолданылмайды.

Объектілердің иесін ауыстыру кезінде техникалық шарттар беру талап етілмейді.

• Объектінің иесі ауысқан кезде жаңа меншік иесі меншік құқығы тіркелген сәттен бастап 10 (он) жұмыс күні ішінде осы Регламенттің 5.5-5.6 тармақшаларында көрсетілген құжаттарды қоса ұсынумен, электрмен жабдықтау шартын құптау туралы өтінішті энергия беруші ұйымға жолдайды.
• Тұтынушы электрмен жабдықтауға Шарт жасасқаннан кейін АЭЖ жауапты қызметкері шарттың электрондық карточкасын деректер базасына енгізеді.
• Тұтынушылардың электр қондырғыларына кернеу беру келесі тәртіппен және мерзімдерде жүргізіледі:
• «БЭСК» АҚ техникалық шарттардың орындалуы туралы хабарламаны алған күннен бастап 2 (екі) жұмыс күнде сыртқы қосылуды және орындалған жұмыстардың берілген техникалық шарттарға сәйкестігін тексеруді жүргізеді;
• хабарламаны алған күннен бастап 3 (үш) жұмыс күні ішінде «БЭСК» АҚ Тұтынушылардың электр қондырғыларына кернеу беруді, электр энергиясын коммерциялық есепке алу жүйесін пломбалауды жүргізеді, сондай-ақ электр энергиясын коммерциялық есепке алу жүйесін пломбалау (қабылдау-тексеру) актісін береді;
• электр энергиясын коммерциялық есепке алу жүйесін пломбалау актісі берілген күннен бастап 2 (екі) жұмыс күні ішінде «БЭСК» АҚ құжаттарды энергиямен жабдықтаушы ұйымға жолдайды.