Тұтынушылар үшін

 ЖИІ ҚОЙЫЛАТЫН СҰРАҚТАРҒА ЖАУАПТАР

Электрмен жабдықтау функциялары не себепті «Шығысэнерготрейд» ЖШС-нен «БЭСК» АҚ-на ауысты?

2024 жылы «Электр энергетикасы туралы» Қазақстан Республикасының Заңына өзгертулер енгізілді, осыған сәйкес, бағаларына мемлекеттік реттеу қолданылатын, қоғамдық нарық субъектісі деген мәртебесі бар Қазақстанның энергиямен жабдықтаушы ұйымдарына берілген лицензиялар өз қолданысын 2025 жылғы 1 қаңтарға дейін ғана сақтайды.

Функциялардың ауысуы туралы тұтынушыларды хабардар ету қалай жүргізілді?

Аталған сұрақ бойынша Қазақстан Республикасының заңнамасындағы өзгерістер туралы 2024 жыл бойы республикалық және жергілікті БАҚ-да хабарланды.

«Шығысэнерготрейд» ЖШС-нің энергиямен жабдықтау функцияларын «БЭСК» АҚ-ына беру туралы ақпарат компанияның барлық ақпараттық алаңдарындағы парақшаларда тұтынушыларға қолжетімді болды.

Электр энергиясы үшін төлем жасау бойынша түсіндіріңізші?

Тұтынушылар тұтынылған электр энергиясы үшін бұған дейін де қолданған өзіне ыңғайлы төлем тәсілдерімен төлем жасай алады.

Екінші деңгейлі банктердің қосымшаларында төлем аударылатын ұйымды таңдауға болады – БЭСК немесе Шығысэнерготрейд. 2024 жыл үшін қарызыңыз болса – Шығысэнерготрейдке аударасыз.Одан әрі қарай БЭСК ұйымына төлем жасайсыз.

Егер мен төлем жасамасам, электр жарығын бірден өшіреді ме?

2024 жылғы желтоқсаннан бастап 2025 жылғы наурызға дейін берешек бойынша тұтынушыларды электр энергиясынан ажыратулар болған жоқ. Ағымдағы айдан бастап берешек бойынша электр энергиясын өшіру қайта қалпына келтірілді. Электр энергиясын берешек бойынша өшіру ҚР заңнамасына, Электр энергиясын пайдалану қағидаларының 51-тармағына сәйкес жүргізіледі.

Дербес шот бойынша сұрақтарым бар, қайда хабарласу керек?

2025 жылғы қаңтардан бастап бұрынғы Шығысэнерготрейдтің тұтынушыларына арналған ақпаратты «БЭСК» АҚ компаниясының https://besk.kz/ сайтында ЭНЕРГИЯМЕН ЖАБДЫҚТАУ бөлімінен табуға болады.

Электр энергиясын беру және энергиямен жабдықтау мәселелері бойынша тұтынушылар 8 (7232) 700-555 телефоны арқылы Байланыс орталығына және тұрғылықты жері бойынша «БЭСК» АҚ кеңселеріне (АЭЖ), сондай-ақ бұрынғы «Шығысэнерготрейд» ЖШС-нің кеселеріне жүгіне алады.