-
«БЭСК» АҚ Шығыс Қазақстан облысы мен Абай облысының аумағына қызмет көрсетеді.
-
Сенімді және сапалы электр энергиясын беру мен энергиямен қамтуды қамтамасыз ету
-
Электр желілері мен инфрақұрылымды дамыту
-
Тиімділіктің негізі – Компания қызметкерлері
-
Командада жұмыс істеу және нәтижеге жетуге бағдар
-
«БЭСК» АҚ Шығыс Қазақстан облысы мен Абай облысының аумағына қызмет көрсетеді.
-
Электр энергиясының сенімді және сапалы берілуін қамтамасыз ету
Жаңалықтар
ҰЛЫ ОТАН СОҒЫСЫНЫҢ АРДАГЕРЛЕРІНЕ ЭЛЕКТР ЭНЕРГИЯСЫ ҮШІН ТӨЛЕМ ЖАСАУ АКЦИЯСЫНА ҚАТЫСУДАМЫЗ
- Жарияланды 08 Мамыр 2026
«БЭСК» АҚ ҰЛЫ ОТАН СОҒЫСЫ АРДАГЕРЛЕРІН ҚОЛДАУҒА БАҒЫТТАЛҒАН ИГІ ІС-ШАРАҒА ҚАТЫСТЫ
«БЭСК» АҚ Ұлы Отан соғысы ардагерлеріне электр энергиясы үшін төлем жасауға арналған дәстүрлі қайырымдылық акциясына қосылды.
Акция аясында ардагерлер тізімі бойынша жеке шоттарды салыстыру жұмыстары жүргізілді.
Жеңіс күні қарсаңында «Өскемен ГЭС» ЖШС қызметкерлері Ұлы Отан соғысы ардагерлері мен оларға теңестірілген санаттағы азаматтардың электр энергиясы төлемін өтеуге арналған дәстүрлі қайырымдылық акциясын өткізді.
Бұл акция 2010 жылдан бері, яғни 15 жылдан астам уақыт бойы өткізіліп келеді. Алғашында көмек өңірдегі гидроэлектр станциялары тарапынан көрсетілсе, бүгінде жоба еріктілік сипатқа ие болып, Өскемен ГЭС қызметкерлерінің жеке бастамасы мен қолдауының арқасында жалғасып келеді. Станция қызметкерлері өз еріктерімен қаражат жинап, сол қаражат есебінен ардагерлердің дербес шоттарына төлем жасады.
Биыл қолдау Ұлы Отан соғысының ардагерлеріне, бұрынғы кәмелет жасына толмаған концлагерь тұтқындарына, Ленинград қоршауында болған тұрғындарға (барлығы 17 адам), сондай-ақ 1929 жылы туған және одан үлкен жастағы қайтыс болған соғыс қатысушыларының жесірлеріне (18 адам) көрсетілді. Әрбір көмек алушының дербес шотына орта есеппен шамамен 300 киловатт-сағат электр энергиясының төлеміне тең қаражат аударылды.
Ардагерлер тізімін дәстүрлі түрде Шығыс Қазақстан облыстық ардагерлер кеңесі ұсынады. Ал дербес шоттарды тексеруді көп жылдан бері «Біріккен энергосервистік компания» АҚ жүзеге асырып келеді. Уақыт өте келе компания қызметкерлері де бұл бастамаға қосылып, жыл ішінде өзге айларда ардагерлердің электр энергиясы төлемін өтеуге қолдау көрсетіп жүр.
Энергетиктер мен ардагерлер ұйымдарының осындай ынтымақтастығы өңірдің көпжылдық игі дәстүріне айналды.
Жыл өткен сайын ардагерлер қатары сиреп барады. Сондықтан олардың ерлігі туралы естелікті сақтау ғана емес, қарапайым адами қамқорлық пен ілтипат көрсету де біз үшін аса маңызды. Бұл бейбіт өмір сыйлаған Жеңіс буынына білдіретін алғысымыздың бір белгісі.
«БЭСК» АҚ бұл игі дәстүрді жалғастырып, ағымдағы жылдың тамыз айында акцияға қайта қатысады.
