-
«БЭСК» АҚ Шығыс Қазақстан облысы мен Абай облысының аумағына қызмет көрсетеді.
-
Сенімді және сапалы электр энергиясын беру мен энергиямен қамтуды қамтамасыз ету
-
Электр желілері мен инфрақұрылымды дамыту
-
Тиімділіктің негізі – Компания қызметкерлері
-
Командада жұмыс істеу және нәтижеге жетуге бағдар
-
«БЭСК» АҚ Шығыс Қазақстан облысы мен Абай облысының аумағына қызмет көрсетеді.
-
Электр энергиясының сенімді және сапалы берілуін қамтамасыз ету
Жаңалықтар
«БЭСК» АҚ-дағы еңбек әулеттері – компанияның мақтанышы
- Жарияланды 28 Қыркүйек 2026
2026 жылы 23 қыркүйекте Өмскемен қаласында Еңбек күніне, сондай-ақ «Еңбек жолы» және «Парыз» республикалық байқауларының облыстық кезеңінің жеңімпаздары мен лауреаттарын құрметтеуге арналған «Еңбек – ел мұраты» салтанатты іс-шарасы өтті.
Іс-шара аясында Шығыс Қазақстан облысындағы еңбек әулеттері, тәжірибелі тәлімгерлер мен жас мамандар арасында өткізілген «Еңбек жолы» байқауының облыстық кезеңінің қорытындысы шығарылды.
Байқаудың басты мақсаты – еңбек адамының беделін арттыру, еңбек дәстүрлерін сақтау, тәлімгерлікті дамыту және жастарға кәсіби еңбектің құндылығын көрсету.
Байқауда ерекше орын алған - «Үздік еңбек әулеті» номинациясы. Биыл «Біріккен ЭнергоСервистік Компаниясы» АҚ-ның өкілдері кәсіпорынымызды лайықты таныстыра отырып, жүлдегерлер қатарына енді.
Жүсіповтер әулеті екінші орынды иеленді. Отбасының сегіз өкілі өздерінің кәсіби өмірін «БЭСК» АҚ-мен байланыстырған, олардың жалпы еңбек өтілі 146 жылды құраған.
Үшінші орынды да «БЭСК» АҚ-ның атынан шыққан Тұрдыбековтер әулеті иеленді. Отбасында бес адам, ал еңбек өтілінің жиыны 120 жылды құрайды.
«БЭСК» АҚ-ның өкілі – Көкпекті АЭЖ-нің Самар учаскесінің Релелік қорғаныс және автоматика басқармасының инженері Ернар Серікұлы Бакиргаловтың кәсіби жетістігі ерекше назарға лайық. «Еңбек жолы» байқауының облыстық кезеңінің қорытындысы бойынша ол Көкпекті ауданы мен «БЭСК» АҚ-ын лайықты таныстырып, «Электр жабдықтарын жөндеудің үздік шебері» номинациясында жеңімпаз атанды.
Бұл сандар мен жетістіктер – тек статистика ғана емес. Бұл сандардың артында кәсіби тәжірибе жылдары, аға ұрпақтан кіші ұрпаққа беріліп келе жатқан өз ісіне деген адалдық, жауапкершілік пен білім тұр.
«Еңбек жолы» – бұл өз еңбегімен өңірдің бүгіні мен болашағын жасайтын адамдар туралы байқау. Бұл отбасылық әулеттердің тарихы, онда мамандыққа деген құрмет, жауапкершілік және өз ісіне деген сүйіспеншілік отбасылық құндылықтардың бір бөлігіне айналған және ұрпақтан-ұрпаққа беріліп келеді.
«БЭСК» АҚ үшін еңбек әулеттері мен қызметкерлердің кәсіби жетістіктері – ерекше мақтаныш. Бұл кәсіби дәстүрді сақтаған, ұрпақтар байланысын нығайтатын және энергетика саласын дамытуға өз үлесін қосып жүрген отбасылар мен мамандар.
Әріптестерімізді лайықты марапаттарымен құттықтай отырып, жаңа кәсіби жеңістер тілейміз!
